(1) Giuseppe Lucia,da Madonna e Dipuodi hfu devotu,
Na conicella c’è voze costruire
Mu na grazia de su gestu, l’anima sua ddè pò godire.
Chiunque a cruce sa hfacia, guardandu a Madonnella
Quandu passava de chilla viarella
Ancora se ricorda de chilla landia arruzzata
Ncapu nu suveru impingiuta
Prima a comunale e pue a provinciale cci allargau
E lu situ purtroppo stravolgiu
Doppu tanti anni (2)Ntoni lu devotu
Na conicella nova cciha costuitu
Nu gestu gentile a tutti ccià parutu
Pperchì ognunu sempre buonu ndà parratu.
Ca a chillu postu na hfuntanella nun forra sbagliata
Ccu petre da zona, cu mastri de ccà
A hfuntanella c’è hfice stampà
Hoje nun s’apprezza ca a ppede nun se passa
Ma si ppe casu u sule leune t’affloscia
I piedi, e manu e la hfacce te riempisca
Preghiere ppe Giuseppe chi ppe primu na cona ci ha volutu
Lode ad (3)Angilu e Santa ppe lu situ
Bravu a Ntoni ppe la nova conicella
Mercè allu cumune ppe la hfuntanella.
Quandu na tozza e pane e na vitta de acqua se porta alla via
Miegliu de chillu chi dicja e nun hfà, E’Chillu hfà quantu dicja.
Marzo 2011 Luciano Antonio Cantafio
1) Lucia Giuseppe Di Angoli,(Detto u muraturi) nonno materno del Sg. Tito, Don Pierino, Titina Lucia .
2)Antonio Cianflone di Cancello.
3) Vescio Angeo fu Antonio e Greco Santa Migliuso
Quando un semplice luogo accomuna un vissuto di una zona intera.
